شاطر
اذهب الى الأسفل
avatar
Admin
عدد المساهمات : 17
نقاط : 50
السٌّمعَة : 0
تاريخ التسجيل : 16/12/2016
العمر : 27
الموقع : http://android7.rigala.net
معاينة صفحة البيانات الشخصي للعضوhttp://android7.rigala.net

شرح عمل بوست ممول ببلاش ع الفيس بوك

في الجمعة ديسمبر 16, 2016 6:57 pm
الناس الجديده Smile
طريقة نشر بوست عادي ويظهر للناس كانه ممول

الفكرة باختصار انك هتعمل تطبيق اسمه "إعلان مُموَّل" وتنشر منه البوست اللي انت عايزه
اولا طريقة انشاء التطبيق
هتدوس علي الرابط ده https://developers.facebook.com/ وهتلاقي فوق كلمة تطبيقاتي هتختار منها انشاء تطبيق جديد وهتسميه "إعلان مُموَّل"

وركز في الخطوة دي عشان لو معملتهاش البوستات اللي هتنشرها مش هتظهر لحد
هتدخل للتطبيق وتختار من الجنب علي اليمين "مراجعة التطبيق" هتلاقي اول حاجة "هل تريد إتاحة ‏إعلان مُموَّل‏ للعامة؟" خليها نعم وبكدة خلصنا من اول مرحلة

تاني حاجة طريقة النشر
المفروض عشان تستخدم التطبيق صح بتشتغل باكواد برمجية زي الجافا اسكربت او سي شارب بس اختصارا للوقت هتدخل للرابط ده https://developers.facebook.com/tools/explorer/
هتدوس علي كلمة "Graph API Explorer" اللي علي الشمال من فوق وتختار التطبيق بتاعك
وهتلاقي تحتها بالظبط سهمين ضد بعض هتدوس عليه وتختار اول واحدة "Get User Access Token"
هيطلعلك مربع كبير فيه خيارات كتير علم علي "publish_actions" او علم علي كلو مش هتفرق كتير معاك ودوس "Get Access Token"

الفيس هيطلب منك انك توافق علي التطبيق دوس موافق وهيطلب منك اذن ان التطبيق ده هينشر عندك دوسموافق برده "محدش يبضن ويقول هكر التطبيق بتاعك انت اساسا"
بعد ما توافق علي التطبيق هترجع للصفحة اللي كنت فيها هتلاقي عندك مربع فيه me?fields=id,name امسحها واكتب دي
me/feed
وغير "get" وخليها بوست هتلاقي خيار جديد ظهر اسمه Add a Field دوس عليه مرة واحدة بس
هيطلعلك مربع صغير ككتوب فيه name ده اكتب فيه
message
والمربع الكبير اكتب البوست اللي انت عايزه ودوس "submit" عشان تنشر
هتلاقي فيه رسالة جاتلك مكتوب فيها error او "success": true يبقي فيه حاجة غلط البوست متنشرش
ولو ظهرلك "id": وقدامه رقم يبقي كدة تمام البوست اتنشر وده اي دي البوست

ده بالنسبة لمنشور من غير صورة لو عايز تحط صورة هتعمل نفس الكلام ده بس هتغير
me/feed هتخليها me/photos
وهتضيف حقل كمان مع message وتسميه url وتحط قدامه رابط الصورة

لو عايز تنشر حاجة في جروب او صفحة او حائط صديق ليك هتغير كلمة me وتحط اي دي صديقك مثلا زي كدة
1234567890/feed
لو حابب تنشر لينك لموقع اختصار روابط مثلا ويظهر للناس بصورة جوجل تقدر تضيف الحقول دي
link وتحط رابط اللينك اللي انت عايزه
picture تكتب هنا رابط صورة
name وده بيكون مكتوب بخط صغير كدة تحت الصورة
caption مش فاكر بتاع ايه بس لازم تحطه
description وده وصف صغير

لو عايز تنشر بوست كانه من ايفون غير اسم التطبيق ل iphone
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى